وصل ابو مشعل لأبوسعود
ابو سعود : ياحيالله من جانا ، يامرحبا اسفرت وانورت
ابو مشعل : الله يحيك ومنور بوجود أهله
ابوسعود : زارتنا البركة والله
ابو مشعل : الله يبارك فيك
أبوسعود : حياك حياك تفضل
ويدخل ابو مشعل للمجلس اللي هو ابعد مكان في البيت
ابو مشعل : ماشاء الله ماشاء الله ، وشلونك يابو عبدالمجيد
ابو سعود : بخير والحمدلله ، بشرني عنك وعن اعيالك
ابو مشعل : الحمدلله بصحة وعافية
ابو سعود : الله يديم العافية والسلامة عليهم
ابو مشعل : آمين يآرب
ابو سعود ماعرف وشلون يقول الموضوع مع ابو مشعل وهو يفكر كيف يقوله قاطعه صوت ابو مشعل وهو يقول
ابو مشعل : الا شلون سعود ؟
ابو سعود : الحمدلله بخير ، بس والله طالعه أمور عليه وانا والله منب مرتاح له
ابو مشعل : افاا ، ليه وش المتغير منه
ابوسعود : انا والله خايفن على سعود انه يخرب اكثر من كذا
ابو مشعل : وليه وش شايفن منه ؟
ابو سعود : الولد والله وزي ماتعرف مايربي لحيته مثل أخوانه الله يهديه ويسمع اغاني ماطلع على أخوانه ولا علي
ابو مشعل : يابن الحلال الولد اذا كبر بيعرف ان هذا خطأ
ابو سعود : على خير يارب ، عاد انا ودي احد ينتبه عليه محد يدري عن نفسه والله
ابو مشعل : لا ماعليك من هالناحية انساها لأن عبد المجيد شديد
ابو سعود : ماظنتي والله بس عسى الأمور تمشي على خير
أبو مشعل : ابوعبد المجيد انت تحس فيك شي ؟
ابو سعود : لا والله ، ليه؟
ابو مشعل : الله يطول بعمرك وراك تتفاول على نفسك بالموت
ابو سعود : الأعمار بيد الله والواحد مايدري متى يومه
ابو مشعل : صدقتك الله يطول بعمرك
ابو سعود : آمين يآرب
أبو سعود يبي يعتمد على واحد ينتبه لعياله لأنه حاس ان يومه قرب ووده يصارح ابو مشعل لكن ماعرف
نترك ابو مشعل وابو سعود يسولفون وعسى الله يفتحها على ابو سعود
بمكآن آخر عند ناصر وسعود
ناصر : سعود شف شف..!!
سعود : يؤيؤ وش هذا ..!!
ناصر : شف السيارة المنقلبة
سعود : لاحول ولا قوة الا بالله
ناصر : لاحول ولا قوة الا بالله تعال خلنا ننزل ونساعد راعي السيارة
كانت السيارة منقلبة على الجنب ومو واضح وش نوعيتها
ناصر اسسرع للسيارة ومر من ورى السيارة
وشاف السيارة وكأنه يعرفها لكن اللي يهمه أكثر هو راعي السيارة واسرع للباب
سعود لحق ورى ناصر
ومر من ورى وشاف السيارة
لكن نفس الشي ماهمه اهم شي الرجال اللي يسوقها ..!!
ناصر : سعود سعود ساعدني
طبعا نسيت اقولكم السيارة كانت منقلبة على ملف وهم طاالعين للدائري ومو واضحه
سعود : يالله بسم الله
ناصر : خلنا نطلعه ونتصل على الأسعاف
سعود : على خير
ناصر : وأتصل على أخوك عشان السيارة
طبعا السيارة كانت حقت سعود ولا أحد عرف كيف وصلت السيارة لصديق عبدالمجيد
سعود : اجل عبدالمجيد ماحب يقولي عن السيارة انها مع خوية والله مدري وش بقول لأبوي
ناصر : أخوك والله متهور الله يهديه
سعود : والله أني مقهور من حركاته
ناصر : صل على النبي وأدع ربك يفرجها
سعود : اللهم صلي على محمد يالله انك تفرجها لي
قاطعهم صوت الأسعاف
نزلوا وركبوا صديق عبدالمجيد ورافقهم سعود وناصر لحقهم بسيارته
سعود أتصل على عبدالمجيد
عبدالمجيد : هلا سعود
سعود : أهلين ، عبدالمجيد ليش تسوي كذا ؟
عبدالمجيد : وش سويت بعد
سعود : ليش تعطي سيارتي لخويك ياخي انت متى بتنتبه لحركاتك ماكأنك أكبر مني
عبدالمجيد : ومن قالك .!!
سعود : بالله .!!
عبدالمجيد : جدوالله اكلمك من قالك .؟
سعود : اقول بس الحق على خويك بمستشفى الأمير سلمان
عبدالمجيد : سعود انت وش قاعد تقول
سعود : امش ورطتنا لا حول ولا قوة الا بالله
عبد المجيد : طيب انت وينك فيه ؟
سعود : مع الأسعاف وخويك منسدح بجنبي خلاص يكفي اسئلة تعال للمستشفى
عبد المجيد : طيب طيب مع السلامة
بعد ماسكر
عبد المجيد يطقق اصابعه خايف وشلون يقول لأبوه بس تحرك للمستشفى عشان خوية
سعود محتار يتصل ع ابوه ولا مايتصل
نترك سعود وعبدالمجيد وناصر وهم يروحون للمستشفى
بمكان آخر عند بطلنا الثالث ايمن
الزبون : السلام عليكم
خالد وأيمن : وعليكم السلام ورحمة الله
الزبون : أخوي عندك طقم ذهب على 10 الاالف
خالد : هذي الجهة كلها على 10 الالف
الزبون : اهاا طيب ممكن اكلمك
أيمن فهم قصد الزبون وطلع برى المحل
خالد استغرب من الزبون
خالد : تفضل
الزبون : لاتعب حالك بالتجارة
خالد : مو فاهم عليك بشي
الزبون : انا عارف ان كل هالمحل من الورث
خالد شك ان أيمن قايل للزبون ويعرفه
خالد : طيب وش صار ؟
الزبون : انا اقرب لك وان كانك تعرف ابو ناصر اللي بالرياض فهذا يعرفني
خالد : قصدك ابو ناصر أخوي الكبير؟
الزبون : ايه
خالد : طيب آمر
الزبون : بس حبيت اقولك لاتتعب حالك بالتجارة
خالد : وش السبب
الزبون : بكل بساطة أنصحك لأنك تجيب لي رزقي
خالد : الله يهديك وش قاعد تقول
الزبون : المرحوم الله يرحمه قبل لايموت وكلني على امواله
خالد : طيب ويرضيك تاكل اموال يتامه
الزبون : تسمي نفسك يتيم ؟
خالد : يرضيك تاكل أموال حرام
الزبون : على العموم هذي نصيحتي لاتتعب نفسك بالتجارة
خالد : طيب ورني ورقت التوكيل
الزبون : تفضل
خالد وهو يشوف التوكيل مو مصدق كيف ان ابوه عطى له توكيل
خالد : طيب كيف ابوي وكلك ؟
الزبون : ماكان مجبور ابوك وتعال اليوم عندي اقولك بكل شي
خالد : لاحول ولا قوة الا بالله
الزبون : لاتخاف قلت لك تعال وان كانك خايف تعال بالحرم
خالد : على خير ان شاء الله
الزبون : هذا رقمي تفضل متى مافضيت دق علي ونتقابل
خالد : لاحول ولا قوة الا بالله
دخل ايمن بعد ماطلع الزبون
ايمن : عمي عمي اشبك ؟
خالد : تدهورت حياتي يا أيمن
أيمن : لاتفقد الأمل بالله
خالد : ونعم بالله
أيمن : عمي لاتعب حالك ارتاح انا رايح اجيب لك كاسة شاي
خالد : لالا لا تجيب شي تعال ودي اقولك كلام لازم تفهمه
أيمن : تفضل عمي
خالد : انا يمكن ارجع للرياض اليوم بنروح نشتري لك جوال ومتى ماأحتجت شي اتصل علي
أيمن : لاحول ولا قوة الا بالله ، ايش صاير ياعمي ليه بتسافر ؟
خالد : ياولدي محد يدري عن القدر والمكتوب عند الله بس لازم الحين نروح نشتري لك جهاز جوال
أيمن : توكلنا على الله
نترك أيمن وخالد يدورون بسوق الجولات ونروح لسعود
وصلوا للمستشفى بعد طريق بعيد
دخل صديق عبدالمجيد لغرفة الأنعاش
ووراه عبدالمجيد
الدكتور : ممنوع تدخل انتظر بالخارج
عبدالمجيد ودموعه تنزل : دكتور هذا صديقي
الدكتور : ان شاء الله يقوم بالعافية بس ممكن تنتظر شوية
سعود وهو ماسك عبدالمجيد : خلاص خل الدكتور يشوف شغلة لاتشغلة اكثر
ودخل الدكتور للغرفة
سعود : أتصل على أحد يقرب له لازم أهله يعرفون
عبدالمجيد : لا لا مقدر
سعود : يابن الحلال اتصل ترى بنتورط بالولد بيقولون انك انت السايق وصدمة ومات الولد تحرك اتصل
عبدالمجيد : آصلآ هو كان بيجيب خواته من عند خالته
سعود : طيب الحين يمكن أمه خايفة عليه وجواله مقفل وبيسئلون عنه ويعرفون اختصر الموضوع واتصل
عبد المجيد : طيب خلاص بتصل على اخوه الكبير لأنه عارف ان سعد أخذ مني السيارة وكان طالبها مني
عبدالمجيد كان يتكلم بكل شي وكان خايف وكأنه واحد صغير وكل هذا من الصدمة بحادث صديقه
عبدالمجيد يتصل على مهند أخو سعد الكبير
عبدالمجيد : السسسسسلام عليكم
مهند : وعليكم السلام أهلين عبدالمجيد
عبدالمجيد : تعال بسسرعه لمستشفى الأمير سسسسسلمان > وغرقته الدموع
مهند : عبدالمجيد وش فيك وش صاير
عبدالمجيد : سعد انقلب بالسسسسيارة
مهند : أخوي وش صار له تكلم وش صار له
عبدالمجيد : دخل غرفة الأنعاش تكفى تعال تكفى تعال
مهند مايعرف وش يسوي يجيب خواته ولا يروح عند أخوه لأن لو ماجاب خواته بيعرفون ان سعد صار له شي
مهند : اسمع عبدالمجيد انا بجيب خواتي عشان محد يشك
مهند كان حليم ويقدر يمسك اعصابه بوقت الغضب وكان بنفس الوقت حكيم
عبدالمجيد : بس تكفى لاتتأخر
مهند : طيب على خير
بعد ماسكر
مهند : الله يقومك بالعافية ياسعد الله يقومك بالعافية > وبدت دموعه تنزل
جاء اتصال من أخت مهند واسمها مشاعل
مهند حاول يعدل صوته عشان مايوضح لمشاعل
مهند : هلا مشاعل
مشاعل : هلا مهند ، وين سعد ؟
مهند : سعد قالي انه موب جايكم انشغل مع خويه انا الحين جايكم
مشاعل : طيب مهند بلييز لا تتأخر
مهند : ان شاء الله يالله قولي لخواتي يتجهزون انا قريب من عندكم
مشاعل : ان شاء الله يالله مع السلامة
مهند : مع السلامه
بمكان عند سعود وعبدالمجيد ..
عبدالمجيد : سعود لاتقول لأبوي شي سيارتك انا بزينها
سعود بعصبيه : تستهبل انت وشلون بتزينها
عبدالمجيد : قلت لك بزينها
سعود : الحين ماعلينا من السيارة بس خلنا نشوف الرجال عساه يقوم بالعافية
ناصر كان طول الوقت ساكت ويفكر وش راح يصير للرجال ويدعي انه يقوم بالعافية
نروح لأبو سعود وابو مشعل
ابوسعود : ابو مشعل والله ودي اقولك شي بس خايفن انك تفهمني غلط
ابو مشعل : لا يابوسعود ماراح افهمك غلط انت صديق لي وعزيز وغالي
ابوسعود : انا والله ودي انك تنتبه لعيالي اذا توفيت انا من عيالي مافيه الا عبد المجيد واثقن فيه
ابو سعود عنده اربع اولاد عبدالمجيد ، أنس وهذا مرره ماعنده مشاكل طول وقته في البيت مايجب الطلعات
وبطل قصتنا اللي هو سعود والرابع هو محمد
ابو مشعل : وباقي عيالك ؟
ابو سعود : والله مثل ما أنت شايف مايلبي طلباتي الا عبدالمجيد الله يحفظه
ابو مشعل : الله يكتب اللي فيه خير وان شاء الله بنتبه لعيالك ، الله يطول بعمرك
ابو سعود : جزاك الله خير ، آمين يآرب ويطول بعمرك
ابوسعود ارتاااح انه وصى صديقة على عياله
قاطع سواليفهم صوت انس..
انس : السلام عليكم
ابوسعود وابو مشعل : وعليكم السلام ورحمة الله وبركاته
انس : تفضل العشاء جاهز
ابوسعود : بعدي والله ياولدي
انس : الله يسلمك يبه ، حياكم
نترك ابو سعود وابو مشعل يتشعون
ابوسعود : انس اتصل على سعود شف وينه تأخر
انس : ان شاء الله يبه
انس اتصل على سعود
سعود : عبدالمجيد انس يتصل وش اقوله
عبدالمجيد : عطنياه
عبدالمجيد : هلا انس
انس : أوه اسف غلطة كنت ابي جوال سعود وشلونك عبدالمجيد ؟
عبدالمجيد : لا انا مع سعود الحمدلله بخير
انس : وشفيه صوتك متغير ؟
عبدالمجيد : انس ابوي وينه ؟
انس : يتعشى
عبدالمجيد : طيب سئل عني ولا عن سعود
انس : سئل عن سعود ، وينكم فيه يهون عليكم تطلعون بدوني
عبدالمجيد : طيب بقولك شي
أنس : سم آمر
عبدالمجيد : مايامر عليك عدو تعال لمستشفى الأمير سلمان وخذ سعود
انس وهو يشهق : سعود فيه شي؟
عبدالمجيد : قصر صوتك لا تعال هو بيقولك كل شي بس تكفى تعال
انس : طيب يالله
بعد ماسكر
انس : يبه انا بروح اجيب سعود
ابو سعود : ليه هو ماراح مع خوية
انس : الا يبه بس يقولي ان السيارة وقفت فيهم
ابو سعود : لاحول ولا قوة الا بالله طيب وين وقفت فيه
انس : قريب من عند طريق المدينة
ابوسعود : انتبه لنفسك
انس : ان شاء الله يبه
طلع انس بسسرعه وراح للمستشفى
أتصل على سعود
انس : سعود وينك
سعود : انت برى ؟
انس : ايه
سعود : يالله طالع لك
انس : أنتظرك يالله
طلع بسسرعه سعود وراح مع أنس
وناصر لازال بالمستشفى مع عبدالمجيد
سعود : السلام عليكم
انس : وعليكم السلام وش فيكم ؟
سعود : ياخي عبدالمجيد والله ملقوف والله ملقوف مدري متى بيكبر عقله
انس : ليه وش صاير تراك خوفتني تكلم
سعود : عطى سيارتي لخويه سعد والولد مدري وش كان مسوي مسرع او يفحط والله مدري
المهم وانا طالع من المطعم انا وناصر وشفنا السيارة منقلبة ولا عرفناها
ـــــــــ
طبعا سعود قال كل شي لأنس
انس : طيب الحين وين سعد ؟
سعود : بغرفة الانعاش
انس : لاحول ولا قوة الا بالله
سعود : والله اني قايلة هذا عبدالمجيد بزر بزر
انس : مقدر ومكتوب وهذا أختبار من الله لك
سعود : يارب انك تفرجها من عندك
انس : امين
سعود : انس والله ابوي بيضربني تكفى تدخل الله يخليك
انس : لا ان شاء الله
سعود : بيقول اني انا اللي سايقها وعبدالمجيد اخاف انه يكذب
انس : لا عبدالمجيد ماراح يكذب
سعود : يارب انك تفرجها من عندك
نترك سعود وانس ومهند ونروح لأيمن..
خالد : هاه أيمن ينفع لك هالجوال
أيمن : حلو بس ودي شي اسجل فيه صوتي بالقرآن
خالد : طيب هذا الجوال يسجل الصوت
أيمن : الجوال حلو ياعمي
خالد : بكم هذا ؟
راعي المحل : بـ500 ريال
خالد : طيب عندك أرقام جديدة ؟
راعي المحل : تفضل هذي شرايح ارقامها حلوة وجديدة
خالد : خلاص نبي هذا الرقم
أيمن : الله لايحرمك الأجر ياعمي
خالد : آمين يآرب والجميع ، يالله خلنا نرجع للمحل واليوم ان شاء الله نقابل الزبون اللي جانا
أيمن : عمي أيش حكاية الزبون؟
خالد : والله مدري وانا عمك لكن عسى الامور تمشي على خير
أيمن : آمين يآرب
ورجعوا للمحل
خالد : ايمن انا لازم اروح اقابل الزبون اللي جانا اليوم
أيمن : ان شاء الله ، يعني اليوم خلص الشغل
خالد : لالا ودي انك انت الحين تبيع
أيمن : ابيع ؟؟ كيف انا ابيع .!!
خالد : أيمن اذا احد طلب منك طقم ذهب مكتوبة قيمته على نفس الطقم
أيمن : خلصنا من هذي المشكلة المشكلة الثاني انا ماعرف احسب الفلوس كيف احسبها ؟
خالد : ان شاء الله محد يكذب عليك ، وانا بكون مسامحك على النقصان
أيمن : ان شاء الله اكون عند حسن ظنك وان شاء الله ابيع
خالد : يالله الله يوفقك ، مع السلامة
أيمن : بحفظ الرحمن ، مع السلامه
دخل ايمن للمحل
وصار يبيع
دخل رجال غني وشايب
أيمن حب يقلد اسلوب عمه بالترحيب
أيمن : تفضل حياك الله
الرجال : الله يحيك
أيمن : تفضل عمي كيف اخدمك ؟
الرجال: ياولدي عطني ذهب حلو ورخيص
أيمن : عمي انت اختار اللي يعجبك
الرجال : الله يهديك ياولدي ماتعرف
أيمن : والله ياعمي ما أعرف
الرجال : طيب عطني هذا
أيمن : تفضل عمي
الرجال : زاد فضلك ، بكم هذا
أيمن : عمي مكتوب على الطقم انا ما اعرف اقرء الأرقام
الرجال : الله يفقهك بالدين ياولدي
أيمن : آمين يآرب
الرجال : تفضل ياولدي هذا المبلغ
أيمن : الله يكثر خيرك ياعمي
الرجال : الله يحفظك ياولدي يالله مع السلامه
خالد : بحفظ الرحمن يارب
جلس ايمن يذكر الله على مايجي زبون ثاني
دخلت شلة على ايمن ..
ايمن حس بخوف
واحد من الشلة : السلام عليكم
أيمن بكل ثقة : وعليكم السلام ورحمة الله وبركاته ، كيف اقدر اساعدكم
واحد من الشلة : عطني افخم ذهب عندك
أيمن : انت أختار كل هدا المحل فخم مثل ما انت شايف
واحد من الشلة أخذ طقم : هذا بكم ينباع عند المحلات الثانية
ايمن عرف ان هذول جاين يسرقون
أيمن : مكتوب عليه
واحد من الشلة ياعيال وش رايكم ناخذه هذا
واحد منهم : واللهي يافهد انت اختار ماتعرف تختار ياواد ههههههه
فهد : خلاص باخذ هذا يالله مع السلامة
أيمن : طيب جيب قيمته
فهد : لا ماراح ادفع ولا ريال
دخلوا اثنين للمحل ارعبوا المحل كله
ياترى من هذول الثنين اللي دخلوا
نترك أيمن يحل مشكلته مع هذول الشباب واللي دخلوا عليهم ونروح لعبدالمجيد
عبدالمجيد وهو يبكي: لاحول ولا قوة الا بالله يارب انك تستر على سعد
بتصل على مهند بشوف وش صار عليه
مهند : هلا عبدالمجيد
عبدالمجيد : وينك وش فيك طولت واللي يسلمك تعالي بسرعه تعالي بسسرعه حالتي مايعلم بها الا الله
مهند : الحين بنزل اخواني واجيك يالله مع السلامه
مهند ماحب يطول بالمكالمة عشان محد يشك
بعد ماسكر عبدالمجيد طلع الدكتور
عبدالمجيد : بشر يادكتور بشر الله يخليك سعد فيه شي فيه شي .!!
الدكتور : الأمر لله
عبدالمجيد : سعد فيه شي فيه شي .!!
الدكتور : سعد بيتنوم عندنا شهرين عشان نتأكد من حالته
عبدالمجيد : يعني سعد حي مامات مامات صح يادكتور؟
الدكتور : الأعمار بيد الله والحمدلله انه عايش
عبدالمجيد بحركة سريعة سجد لله سجود شكر ويحمد ربه
بعد ماعرف عبدالمجيد ان سعد عايش حس بالفرج لمشكلته
قاطعه صوت جواله اللي يرن
على طول عبدالمجيد رد بدون مايشوف منهو
عبدالمجيد : الحمدلله سعد عايش سعد عاااااااااايش
المتصل : أحم أحم
عبدالمجيد بخوف وبعد ماعرف من المتصل : السسسسلام عليكم
ياترى من اللي اتصل على عبدالمجيد ؟
نترك عبدالمجيد ونروح لسعود وأنس
بعد مادخل البيت سعود وانس كان على سعود آثر دم بسيط على ثوبه
انس : سعود أدخل وانت تركض عقب لايشوفك ابوي ويسئل عن الدم
سعود : لالا خلاص بدخل من الباب الخلفي
أنس : يكون أفضل ، أمسك مفتاحه
سعود : مشكور المفتاح بيكون بغرفتك
أنس : يالله لاتطول يالله روح
سعود : أن شاء الله يالله باي
أنس : باي
سعود لمادخل بغرفتة على طول اتصل على عبدالمجيد
وشاف ان رقمه مشغول
استغرب
وقرر انه يتصل على ناصر
ناصر: هلاااااااا سعود
سعود : هلابك هاه بشر وش صار
ناصر :الحمدلله ان الولد عايش لكن بيتنوم بالمستشفى شهرين
سعود : الله يقومه بالعافية
ناصر : امين
سعود : هااه كيف العشاء
ناصر : والله نسيت طعمه هههههههههههه
سعود : ههههههههههههه الله يرج عدوينك
ناصر : يبي لنا نعيده بس عقب مايطلع موترك من الورشة
سعود : انا بوديها لشركة التيما
ناصر : يارجال سمكرها
سعود : والله مقهور سيارتي وكالة وجديدة وآخر شي تروح سمكرة
ناصر :خلاص أجل وكالة وكالة
سعود : على خير يارب
ناصر : اسسمع انا بروح لسيارتك اللي بالورشة وبشوف اذا فيها شي لك ولا لا
سعود : ماتقصر والله الله لايحرمك من الأجر رمز السيارة 47987
ناصر : آصلآ عارف الرقم خخخخ
سعود : أوك عنوني أهم شي الدروج حاول تركز عليها
ناصر: لاتوصي حريص يالله اشوفك على خير
سعود : ان شاء الله تشوف خير يالله مع السلامه
ناصر: مع السلامه
ناصر راح لسيارة خويه بيشوف عشان يتأكد من أغراض خويه وياخذها
ولما راح عند الورشة
ناصر : السلام عليكم
صاحب الورشة : وعليكم السلام
ناصر: وصلتكم سيارة التيما 2009 سوداء
صاحب الورشة : أي تلقاها ورى السيارات هذي
ناصر :مشكور
راح ناصر لسيارة سعود وفتحها
وبدء يدور على أي شي يخص سعود
وشاف عطره
ناصر: الله هذا عطره الحلو والله الولد ذوق ، وماشاء الله على ريحة السيارة من داخل والله الولد روعه يالبى خويي بس
وهو يشوف اغراض خوية لفت نظره
ناصر: معقوله سعود يسويها
ناصر : معقوله سعود يـ ....
ياترى وش شاف ناصر ووش الشك اللي وصل لسعود ووش المشاكل اللي بتوصل له
كل هذا بنعرفه بالجزء الثالث واللي راح ينزل يوم الثلاثاء
.gif){kind=small}
« آخـــر الـــمـــشـــاركــــات »
07-23-2010, 06:16 PM
]
العرض العادي
